እንኳን ኪዳነምህረት ዓመታዊ ክብረ በዓል አደረሳችኹ!

እመቤታችን ቅድስት ድንግል ማርያም ቃል ኪዳን የተቀበለችበት ዓመታዊ መታሰቢያ በዓለ ንግሥ በገዳማችን ታዕካ ነገሥት በአታ ለማርያም ገዳም ውስጥ በምትገኘው ደብረ መንክራት ስዕል ቤት ኪዳነምህረት ቤተ ክርስቲያን በዛሬው ዕለት የካቲት 16/2015 ዓ.ም በታላቅ ድምቀት ተከብሮ ውሏል። በገዳሟ ሥርዓት መሠረት በዓቢይ ጾም ወቅት ከበሮ አይመታምና፤ ከማህሌቱ ጀምሮ እስከ አውደ ምህረቱ ያለው መዝሙር ከበሮ ሳይመታ፣ ጸናጽል ሳይንጸለጸል በመቋሚያ ብቻ በመዘመም ስብሐተ እግዚአብሔርን በማድረስ ተከብሯል።

ደብረ መንክራት ስዕል ቤት ኪዳነምህረት ቤተ ክርስቲያን የንጉሠ ነገሥቱ የአጼ ዳግማዊ ሚኒልክ ጸሎት ቤት የነበረች፤ ኋላም ታቦተ ኪዳነ ምህረትን አስገብተው የነገሥታቱና የመኳንንቱ ማስቀደሻ ሆና የኖረች ታሪካዊ ቤተክርስቲያን ነች።